WHS se eerste rugbyspan het Maandag in nat toestande hul eerste toerwedstryd in Nieu-Seeland gewen. Die span wat onlangs die Metropolitan o.19 Superliga in Windhoek gewen het, het in Masterton met 24-22 teen Rathkeale College gewen.
Wian Mans (skrumskakel), Zirk Coetzee (losskakel) en William Jacobs (senter) het WHS se drieë gedruk. Die heelagter Hendrik Marx het met ’n strafskop en drie doelskoppe geslaag. Hul volgende wedstryd is vandag teen Hastings Boys High in Hastings.


